Out of nowhere napapunta na naman ako sa Sweet Kirsh. Since wala kaming maisipang puntahan this afternoon, we decided to try eating at Sweet Kirsh Cafe. Na feature ko na nga pala siya before pero dun yun sa dati nilang branch. Burger and Monster Shakes ang bida noon, pasta and lemonades naman ngayon.



Dahil paborito ko ang Carbonara, hindi ko na pinalampas ang pagkakataon at syempre kailangang swabe din ang drinks na kapartner.

CARBONARA WITH BACON

Creamy carbonara siya. Masarap naman siya pero mataas kasi talaga ang panlasa ko pagdating sa pagkain at when it comes to carbonara mas preferred ko talaga eh yung medyo maalat. Pero ang alam ko madami ang may gusto ng creamy, kaya try niyo itong Carbonara nila. 

TUNA PESTO

Ito naman yung inorder ng friend ko, the Tuna Pesto. Parang anything with green eh ayoko sa pasta. Parang di ko kayang tikman! Pero sabi ng friend ko, sulit daw sa halagang Php 94.00 kasi solo serving man siya e masarap naman daw. Napaka affordable talaga ng menu ng Sweet Kirsh. 

PINK LEMONADE LYCHEE FLAVOR

Siguro isa to sa mga mabentang pagkain sa Sweet Kirsh, pink color eh. Napaka girly ng dating. Refreshing at swabe ang flavor niya. Perfect for pasta, picture perfect for insta.

CUCUMBER LEMONADE

Nakauwi na ako at lahat ay nalalasahan ko pa din ang cucumber. Gusto ko na tuloy kumanta "Do you have to, do you have to let it linger?". Masarap din siya pero medyo bitin. Alam niyo ba na Php 18.00 lang ang bawat lemonade na to? Dapat siguro meron silang Unli Lemonade na offer. Sa tingin ninyo?

BEEF FRIES WITH CHEESE SAUCE

Medyo di ko to nagustuhan. Akala ko ay kasing sarap siya ng Nachos na natikman ko last time. Ang kaso nito ay parang na over cooked yung fries and medyo matabang yung beef. Okay naman yung sauce pero di ko talaga nagustuhan yung fries niya.


Hindi pa din nawawala yung graffiti wall nila. At hindi pa din ako nagsusulat. Until next foodventure, madami pa kasi akong di natitikman dito sa Sweet Kirsh. Keep posted!


Sweet Kirsh Cafe is now located at P. Burgos St. corner Mabini St. Brgy. 11 Batangas City

Opens from 11AM - 8PM

http://facebook.com/sweetkirsh.official.page


Pinakamahirap na tanong ay "saan tayo kakain?" tapos ang sagot sayo ay "kahit saan". Bakit nga ba ganun ano? Katanghaliang tapat yagyag kami ng pinsan ko sa bayan kung saan manananghalian. Paano ba naman, masarap sana ang burger kaso alas dos pa ang bukas. Masarap sana ang sisig kaso sobrang init na ng panahon. Buti na lang He Brews saves the day. Sakto din namang di pa siya dun nakakakain. Twas my 3rd na but my 1st in this branch.

Dati kasi nasa malapit sa Traders ang branch nila tapos sobrang liit. Na blog ko na nga din pala yun dito.




Tapos naglagay sila ng branch sa Alangilan mas malaki kumpara sa nasa bayan. Nagbukas din sila ng branch dito sa Mabini Street kaso ngayon lang ako nagkatime kumain dito. Medyo alangan din kasi ang location para sa akin.


Mas malaki ito kesa dati. Tapos di pa crowded ang mga mesa. Malaki na din ang bar nila at malinaw na yung menu board. In fairness, improving sila.


Kung mapapansin mo, sobrang affordable ng nasa menu nila. Yung tipong parang gusto mong i try lahat. Matakaw talaga ang peg ko sorry! Tapos iba iba ang pagpipilian, may pasta, rice meals, frappe, hot and cold drinks, sandwiches at meron ding side dishes. Sobrang dami ko pang di na tatry sa menu kaya gusto ko ulit bumalik dito.


Syempre dahil tanghalian, swak na swak yung rice meals. Isa pa sa nagustuhan ko dito e napaka swabe ng background music nila. Di mo mamamalayan na matagal ang order mo kasi mapapakanta ka na lang eh. Di ko napansin kung may wifi, busy ako kakapicture at kakasabay sa kanta.


Eto yung inorder ng pinsan ko: Korean Chicken Wings. Yung pinili niya e 3 pieces lang pero pwede din ito for 6 pieces. Biruin mo yun Php70 lang parang Jollibee na din ha pero atleast iba naman sa panlasa. Kaya wag kayong matakot mag try sa iba. Akala kasi nila pag sa iba kumain e mahal. Kung tutuusin mahal na din kaya ngayon sa mga food chains. Yung Honey Lemonade syempre eh sa akin kasi masakit ang lalamunan ko. Favorite ko din kasi ito. Humingi ako ng isang piraso tinikman ko at kalasa siya ng Honey Flavored wings.


Di ko din pinalampas ang BBQ Liempo para kung sakaling isasama ko dito ang mommy ko eto yung ipapa order ko sa kanya. Aba masarap din naman nga. Lasang lasa yung marinade niya at juicy. Medyo bitin ang rice grabe!


Nag order ako ng side dish, yung Potato Wedges. Naalala ko yung home made potato wedges ko. Malapit na sa lasa nito yun eh. Magkaiba lang kami ng coating na ginamit. haha Masarap din ito promise!


Self service nga pala dito. Tingnan niyo kung gaano nag improve yung place nila. Gandang ganda talaga ako. Ang simple lang kasi tapos maluwang. Malinis at cozy ang place.


Meron pa din silang mga scriptures sa wall. Black and white accent at minimalist.



Pwede na ulit bumalik dito next month para ma try ko yung iba pang nasa menu nila at ma iupdate ko kayo. Na try niyo na ba dito? Visit na!

He Brews Cafe
Mabini St. Batangas City
Opens from 10AM-8PM

Hindi ako yung tipo ng tao na palasimba every Sunday, every special occassion at kung kailan dapat magsimba ang isang Katoliko na tulad ko. Pero sa twing may makikita akong magandang simbahan, gustong gusto kong makarating dun.


Napakaaliwalas tingnan ng St. Lorenzo Ruiz Parish. Matatagpuan ito sa Dagatan, Taysan Batangas, makalampas lamang ng Palengke. Madali naman siya hanapin dahil tabing kalsada. 30-45 minutes ang byahe pero medyo matraffic dahil sa ginagawang kalsada sa bandang Bilogo.


Merong malawak na parking kaya pwedeng pwede na magdala ng sariling sasakyan. Marami na din ang dumarayo dito kasi nakapost sa social media ang Parish at nakita ko nga siya sa Facebook kamakailan lang. Kaya naman naisip ko na dito kami magsimba ng baby Isobelle ko. Kaya lang napostpone kami last week dahil nagkasakit siya. Still, nung gumaling na ang baby ko, natuloy din kami kasama ng aking mga inlaws. Ang saya!


Alas sais kami umalis ng bahay at nakarating kami ng 7:30 am sa simbahan. Patapos na ang pang alas sais na misa nun. Pero sabi sa amin ng pwede naman muna kami mag picture picture kasi 9am pa ang sunod na misa. Araw-araw meron silang misa na pang alas syete (7:00 am). Twing Myerkules meron namang misa sa alas kwatro y medya (4:30 pm) ng hapon at pag Linggo ay 6:00 am at 9:00 am. 


Hindi pa tapos ang mga struktura sa labas pero ito yung pinaka driveway sa harap ng simbahan. Ang swerte ng ikakasal pa lang. Maganda kasi itong simbahan at napaka aliwalas. 


Kung ikakasal ako ulit gusto ko sa simbahan na ito. Mabait pa ang pari, si Rev. Fr. Richard Hernandez. Maganda ang homily, tagalog pero English Mass dito katulad sa Caleruega. Naalala ko tuloy si Fr. Boy Oriondo.



Ipinabless ko si Isobelle matapos ang misa at kinausap niya pa kami kung taga saan. Natuwa siya ng malaman na taga ibang lugar kami. Every after mass merong blessing of the Holy water. 



Maganda at maluwang ang loob. Bago pa ang mga upuan at hindi siksikan kapag nagsisimba. Siguro dahil na din bago pa. Pero iba talaga ang pakiramdam sa loob. Malamig din kasi dahil nakaharap ito sa kabundukan at kitang kita mo ang kalangitan. 


Ang krus ay hindi masyadong aninag sa picture dahil puti ang pintura nito. Imagine habang nakikinig ka ng misa makikita mo ay mapuputing ulap at berdeng paligid.


Salamat sa magandang araw ng bumisita kami sa simbahan. Pag-uwi ng asawa ko yakagin ko siya dito kahit na medyo malayo sa bayan, gusto ko ulit magsimba dito.